DIARIO DA IGUALDADE

2007-11-26T09:50:00.000Z

O pasado xoves día 4 de outubro celebrouse na sede da ADR Ulla Umia, en Caldas de Reis, a Asemblea Constituínte do Consello Comarcal de Igualdade.

No acto formalizouse a constitución deste órgano consultivo que analizará a realidade nos distintos ámbitos sociais da vida local para establecer necesidades, anunciar propostas e recomendacións a organismos e entidades diversas e recoller as súas peticións ao tempo que favorecer a participación cidadá. Para esto, reunirase periódicamente e emitirá informes técnicos de diagnóstico da situación das mulleres na comarca que recollan datos sobre emprego, formación e violencia de xénero. Este órgano desenvolverá as súas actividades no Territorio Ulla-Umia, que comprende os concellos de Caldas de Reis, Catoira, Cuntis, Moraña, Pontecesures, Portas e Valga.
Tomaron parte no acto representantes políticos/as e técnicos/as de cada concello así como das asociacións de mulleres, de hostalería e turismo, do empresariado, das culturais, xuvenís, deportivas, veciñais e comunidades de montes da comarca, ademais dun representante da ADR.
No acto procedeuse á aprobación dos estatutos polos que se rexerá este órgano e á elección dos e das representantes do Consello, recaendo o cargo de Presidenta en Dona Begoña Castro Martínez (Concelleira de Servizos Sociais, Igualdade e Asociacionismo de Caldas de Reis); a Vicepresidencia en Don Manuel Carbia Magariños (Presidente da Asociación Cultural de Cordeiro) e a Secretaría en Dona Consuelo Rivadulla Rodríguez (educadora familiar e axente de igualdade de oportunidades de Cuntis). Por outra banda, a coordinación e asistencia técnica do Consello Comarcal de Igualdade será levada a cabo pola Asociación Profesional de Axentes de Igualdade de Oportunidades Galega (APAIOGA).
O Consello Comarcal de Igualdade encargarase do seguimento e avaliación do Programa Operativo de Igualdade de Oportunidades 2006-2008 que se está a implantar no Territorio e no cal está recollido o funcionamento do propio Consello. Lembremos que á súa vez o POIO 2006-2008 se inscribe no marco dun programa europeo Leader+.

Día Internacional contra a Violencia de Xénero.

2007-11-21T14:59:00.000Z

O próximo 25 de novembro é o Día Internacional contra a Violencia de Xénero e desde o Diario da Igualdade queremos sumarnos ao rexeitamente contra a violencia de xénero en particular e contra todo tipo de violencia en xeral.

A violencia,

a agresión maltrata a vítima

envilece a quen a práctica

A violencia xerá máis violencia

odio, rencor.

A violencia é o fácil, o inmediato.

O difícil é dialogar, chegar a un consenso,

resolver un conflito por medio da palabra.

A violencia é cobardía.

O diálogo é valentía.

Apostar pola non violencia significa apostar polas persoas.

Apostar polas persoas é gañar en experiencias.

Gañár en experiencia e enriquecerse persoal e socialmente.

Estas son as nosas razóns para a non violencia. Cales son as túas?

Contanolas!!!!!

CONVENIO DE COLABORACIÓN: BATA e AEVU

2007-07-30T17:09:00.000+01:00

AEVU (Asociación de Empresarios dos Vales Ulla e Umia) e BATA (Asociación para o Tratamento do Autismo) veñen de firmar un convenio para o Desenvolvemento de Accións de Información, Orientación e Busca de Emprego para Persoas con Discapacidade Psíquica.
Así, persoal técnico de BATA atenderá as demandas existentes na sé de AEVU, unha vez ao mes.

Isto supón un paso máis na integración das persoas con discapacidade psíquica, xa que para que este servizo resulte efectivo, a Xunta Directiva de AEVU levará a cabo accións encamiñadas a sensibilización do empresariado da comarca e así facilitar o acceso deste colectivo a un emprego remunerado.

SÁHARA: UN POBO EN BUSCA

2007-07-26T09:04:00.000+01:00

Este é o título da exposición que o vindeiro día 2 de agosto as 21:00 horas, será inagurada no Centro Multifuncional de Ferreirós (Cordeiro-Valga).
A presentación da exposición, do fotógrafo José Luis Oubiña, irá acompañada dunha charla-coloquio co gallo de dar a coñecer a situación do pobo saharaui, a súa cultura e costumes, coincidindo coa acollida dalgúns nenos e nenas polas familias do concello.
Ao termo da mesma, na que participaran, entre outras/os, o director xeral de Xuventude e Solidariedade, Rubén Cela Díaz, algúns representantes da Delegación do Pobo Saharaui e da Asociación Solidariedade Galega con este pobo e Milagros Gago, unha das nais de acollida que visitou os campamentos de refuxiados/as, celebrarase unha ceremonia de degustación do té.

ASMIVALU: UNHA NOVA ETAPA

2007-07-19T10:38:00.000+01:00

A Asociación ASMIVALU comeza unha nova etapa.
Nesta etapa busca atender a un maior número de persoas, tanto de Valga como do resto da Comarca de Caldas.
Para iso comezará un ronda de contactos con persoas clave en cada un dos concellos (persoas especialmente sensibilizadas coa discapacidade) para acadar apoios que respalden a súa labor, non sempre coñecida nin recoñecida, co claro obxectivo de que este colectivo teña unha maior calidade de vida, dando resposta as diversidades propias de cada unha das persoas que o conforman.

UNHA PINGA DE SOLIDARIEDADE

2007-07-10T10:28:00.000+01:00

A xente de Valga é solidaria, así o demostra o incremento do número de donantes segundo o Centro de Transfusión de Galicia.
Este simple acto altruísta beneficia a outras persoas.

AS 100 VISITAS

2007-07-03T16:28:00.000+01:00

Hoxe superamos as 100 visitas e iso é para nos un orgullo.
Agradecer a todas e todos aqueles que se achegaron a este rincón da web, ao tempo que as e os animamos para que nos sigan ollando e colaboren cos seus comentarios. Serán moi ben recibidos.

GRAZAS!!!!

II FESTA DA XUVENTUDE

2007-07-03T16:23:00.000+01:00

Os días 6 e 7 de xullo celébrase a II Festa da Xuventude con diversas actividades lúdico-festivas.A festa dará comezo o venres, 6 de xullo pola noite coa a actuación das orquestas Paris de Noya e Philadelphia.O prato forte, ao día seguinte coas seguintes actividades:

Xogo de busca do tesouro. As persoas que desexen participar teñen ata o día 4 de xullo para inscribirse no Concello.
Campeonato de brilé.
Mundialito de fútbol por aldeas. Inscrición no número 654 87 11 21.
Vaquillas.
Festa da espuma como colofón final.

Haberá premios para as e os gañadores.Participa e contanos a túa opinión sobre o evento!!!

EU DIALOGO

2007-06-25T08:08:00.001+01:00

Noraboa ao alumnado do IES de Valga que, xunto a outros centros, resultaron gañadores do concurso "Eu dialogo!" do Parlamento de Galicia, para promocionar o valor do diálogo na escola, co gallo do 25 aniversario da cámara galega.

O Secuestro do Can foi o título do vídeo gañador presentado polas alumnas e alumnos de 3B. Mentras que a clase de 3A foi galardoada polo cómic "Escoita o que che digo".

ESCOLA DE DANZA

2007-06-19T12:28:00.000+01:00

A Plataforma de Apoio a Creación da Escola de Danza "Bella Otero" pide a colaboración de todas e todas para que esta iniciativa saia adiante.
Por que a Escola de Danza "Bella Otero"?
Porque ese era a ocupación da valguesa máis ilustre. Hai unha rúa, a anpa do IES, unha escultura, un edificio, proximamente un museo pero non unha Escola de Danza. E iso parece pouco lóxico, sobre todo tendo en conta que Valga conta cunha Escola de Música.

Deixanos a túa opinión ao respecto. A Plataforma de Apoio a Creación da Escola de Danza "Bella Otero" agradece o apoia de todas aquelas persoas que se queiran sumar a súa iniciativa.

Fonte: rumoroloxía popular.

Nesta ligazón poderas coñecer máis sobre a vida da Bella Otero "Unha icona da Belle Époque Europea.

FRORES

2007-06-11T12:11:00.001+01:00

A unión fai alfombras.
O domingo celebrouse en Cordeiro o Corpus, e un ano máis o adro da igrexa engalanouse con alfombras florais, de deseño sinxelo, case minimalista pero igual de fermosas que en edicións pasadas.

Ao marxe da celebración relixiosa, cómpre destacar a unión e a colaboración veciñal desinteresada para acadar un obxectivo común.
Neste caso, máis importante que o resultado final é a traxectoria para acadar o fin, é dicir, o feito de reunirse, de proxectar, de colaborar para a realización das alfombras.
O traballo comeza moito antes, co deseño das plantillas, a recoleción e desmenuze das frores. Son horas e horas de traballo minucioso, onde tamén se aproveita para conversar, botar unhas risas e estar coas veciñas e veciños.

XV EDICIÓN DA FESTA DA EMPANADA DE MILLO

2007-06-08T10:17:00.000+01:00

A Sociedade Cultural de Cordeiro está a voltas cos preparativos da Festa da Empanada de Millo que se vai celebrar o domingo día 10 no teleclub de Cordeiro.
O festexo, coma todos os anos, coincide co Corpus, de xeito que primeiro misa e exhibición de alfombras florais realizadas polas veciños e veciñas da parroquia, e logo, as 19:30 degustación de empanada.
A ración costará 1,5 €.

Esta festa, ademais de fartar o estómago, fai que xente nova e maior colaboran na súa elaboración. Así, este ano, a e o encargado de aportar a súa experiencia á hora de amasar a empanada e dirixir a súa creación serán o sr Furelos de Cerneira e a sra Maruja de Pepe do Forno.

Para a coción deste saboroso manxar, contarase cun forno especial traído expresamente de Araño (Rianxo), de forma que a empanada se faga nunha soa peza e así poder degustala quentiña.

Fonte: Diario de Arousa, venres 8 de xuño de 2007

FESTIVAL INTERXERACIONAL: imos ao teatro

2007-06-05T12:02:00.000+01:00

O Festival Interxeracional segue o seu curso. Este domingo tocou teatro no centro multiusos de Cordeiro.
Por un día, as e os veciños de Valga foron actrices/actores e espectadoras/es a un tempo. A próxima cita co teatro será dentro dun mes.
Así que todas as persoas que non puideron ver esta representación terán que esperar ata o próximo mes para acudir a presenciar unha nova obra de teatro a cargo deste plantel de actrices e actores.

FESTA DA ANGUIA e CAÑA DO PAÍS

2007-06-01T08:54:00.000+01:00

O concello de Valga abre o prazo de presentación de traballos para o Concurso de Carteis da XIX Festa da Anguía. As persoas que queiran participar teñen de prazo ata o 7 de xullo ás doce da mañá.
Existen dúas categorías: infantil (ata 14 anos) e adulta (+ 14 anos). A temática será libre. O cartel non debe superar a medida de 60x40 cm e debe incorporar a seguinte lenda: XIX Festa da Anguía e XVII Mostra da Caña do País. Agosto 24, 25 e 26 de 2007.

27M

2007-05-28T08:56:00.000+01:00

Onte, como no resto do país, a cidadanía de Valga acudiu as urnas para elexir alcalde ou alcaldesa e concelleiras/os para os vindeiros catro anos.
A participación foi do 66.24% polo que a porcentaxe de abstención se situou no 33.76% e o reparto de concelleiros/as foi moi disputado, xa que houbo que esperar ao reconto na última mesa para saber se o PP aumentaba un ou o PSOE-PSG pasaba de un a dous. Finalmente, parece que a balanza se inclinou do lado deste último.
A configuración, xa que logo quedaría do seguinte xeito: PP 10, PSOE-PSG 2 e BNG. O PP volta a conseguir maioria absoluta.

NORABOA A CIDADANÍA DE VALGA POR EXERCER O SEU DEREITO AO VOTO OU POR NON EXERCELO.
É tan válida unha opción coma a outra?
Participa no noso debate aportando a túa opinión ao respecto.

ASMIVALU COAS NOVAS TECNOLOXÍAS.

2007-05-23T08:41:00.000+01:00

As rapazas e rapaces de Asmivalu están aprendendo a usar o ordenador mediante xogos didácticos. Deste xeito, preténdese:

Dar a coñecer as novas tecnoloxías a persoas con discapacidade mental.
Aprender sinxelas rutinas informáticas.
Divertirse de forma paralela á aprendizaxe.
Saber acender e apagar o ordenador.
Acadar un manexo fluído do rato.

Esta actividade está a ser desenvolvida pola dinamizadora da Rede de Dinamización da Sociedade da Información.

DÍA DAS LETRAS GALEGAS

2007-05-16T12:49:00.000+01:00

Valga celebra o Día das Letras Galegas.
Hoxe, todas as persoas que pasen polas oficinas do Concello terán un agasallo: un libro.
Mañá terá lugar a inaguración de dúas exposicións:

"Vida e Obra de María Mariño"
"Así ven as rapazas e rapaces de Valga o Día das Letras Galegas.

A continuación, as 20:30 horas terá lugar a actuación das Pandereteiras de Moldes, as que xa tivemos ocasión de escoitar o día da sementeira.
Despois, o grupo da Escola Artística de Cuntis levará a escena a obra de teatro "A nosa vila".

O sábado será xornada de portas abertas no ximnasio de Beiro. ¿como, que non te enteradas de que había un ximnasio? pois si, o sábado teremos ocasión de coñecer as súas instalacións.

MARÍA MARIÑO

2007-05-16T11:57:00.000+01:00

Este ano, o día das Letras Galegas está adicado a poetisa María Mariño, autora de obras como "Palabra no tempo" ou "Verba que comeza".
Como homenaxe, desde este espazo queremos achegar un dos seus poemas:

Libro 1. "¡Inda vou na misma meniña..." (Palabra no tempo)

¡Inda vou na misma meniña
aquela que fogueaba sin leito!

¡Son aquela!
¡Son aquela que no bosco
escuitaba o himno dela!

Son aquela mañanciña,
entre orballo das rosas,
enre area de sendeiros,
onde atopaba a campana.

Caladiña eu chamaba
en berros que hoxe esquezo,
cando o navío de lonxe
o meu mar cheo atracaba.

¡Son aquela!
Son aquela tarde queda
que no serán se chamaba
miña aurora sin coores
chea dun farto rebusco
que en un xordo a min chegaba.

¡Son aquela!
Son aquela pena nubra
que de mofo entrenzaba
a lonxe voz do poeta,
cando aínda non sabía
que era pra ela
o que aquela voz narraba.

¡Son aquela!
Son aquela sempre soia
que paseaba a ribeira
a ver si nela atopaba,
a ver si nela afogaba.

Eu non sei,
eu non sei son sinceira.
Eu sentía un lonxe triste,
eu sentía nel ledicia,
eu quería quedar soia,
eu quería compañía,
¡aquela que eu non sabía!

Hoxe o sol enxuga a néboa.
Os dous tecen amores.
¡Han de saber algo dela!

http://www.culturagalega.org/album/detalle.php?id=7

VOGAR.POEMA DE MARÍA MARIÑO CON MÚSICA E VOZ DE UXÍA SENLLE

SEMENTEIRA DO TRIGO

2007-05-11T16:06:00.000+01:00

O I Festival Interxeracional segue a desenvolverse.
Hoxe, venres 11 de maio comeza a "sementeira do trigo". Actividade mediante a cal se recupera a festa e a tradición das épocas nas que se botaba o trigo.
A cita en Ferreirós (Cordeiro) a partires das 11:30 horas.
Coa sementeira do trigo preténdese que a "a mocidade coñeza e valore as vellas tradicións como patrimonio da nosa cultura".

OS PENOUCOS

2007-05-08T10:32:00.000+01:00

A asociación cultural Os Penoucos presenta o seu programa de actividades co gallo do Día das Letras Galegas, adicado este ano a poetisa María Mariño.

PROGRAMA DE ACTIVIDADES.

Curtametraxes. Casa de cultura de Ponte Valga. Día 17, ás 21.30 horas dirixida ao público adulto. Sábado 19, as 17.00 horas será para as nenas e os nenos.
Xogos Populares. Día 17, as 16.00 horas no campo de fútbol vello de Baño. Para nenos e nenas.
Certame literario-artístico Xosé Lois Míguez. Sábado 19, ás 18.00. Entrega de premios. Ao rematar terá lugar un recital poético. As persoas interesadas en participar neste certame teñen ata o día 15 para presentar os seus traballos. Inclúe dúas modalidades: infantil e libre (a partir de 12 anos)
Teatro. Domingo 20, ás 19.00 na Casa de Cultura. O grupo Teatro do Improvisto leva a escena Cando Harry atopou a Sally.

Fonte: La Voz de Galicia, martes 8 de maio. Edición Arousa.

OBRADOIRO DE MANUALIDADES

2007-05-03T17:01:00.000+01:00

AXENTIVA está a desenvolver ,en colaboración coa Deputación de Pontevedra, un obradoiro de manualidades.
O único requisito para asistir é ser socio/a da asociación e por suposto, ter gañas de aprender e facer cousas novas.
CREAR,
APRENDER,
COMPARTIR, todo iso e todo o que vos queirades.

AFOGADOS NO DESERTO

2007-05-03T16:38:00.000+01:00

Esta semana unha recomendación,
a exposición fotográfica sobre o Sahara de Gabriel Tizón.
Podedela visitar no Centro Comarcal do Salnés do 2 ao 15 de maio.
"Este traballo está adicado a toda a xente que axuda no terceiro mundo dunha maneira anónima, e por suposto, aos nosos irmáns, os saharauís, pola impresionante acollida que me fixeron".
Gabriel Tizón (fotógrafo autor da mostra)

I FESTIVAL INTERXERACIONAL

2007-04-26T17:12:00.000+01:00

Ao longo deste ano, desenvolverase o I Festival Interxeracional, do que daremos cumplida conta nesta páxina.
Esta idea nace coa finalidade de servir de punto de encontro entre as distintas xeracións.
Así, desde o respecto e a tolerancia, as nosas nenas e nenos, os nosos mozos e mozas, as e os adultos, as persoas maiores poidan convivir e compartir as súas experiencias vitais de xeito lúdico.
Entre as actividades a desenvolver, destacamos as seguintes:

Obradoiro de teatro.
Desfile de moda dos últimos cen anos
Exposición "Valga no último século"
Festival da Canción
O Serán

O POBO SAHARAUÍ

2007-04-22T19:02:00.000+01:00

Nenas e nenos saharauís estiveron pasando con varias familias do concello as súas vacacións de verán.

Vídeo creado por libelulebleu. Fonte: Youtube

O PODER DAS NOSAS MANS: CREATIVIDADE E INXENIO

2007-04-22T18:33:00.000+01:00

ASMIVALU vén de realizar unha serie de obradoiros, a través dos cales desenvolvemos o noso potencial creativo.

Estes son algúns dos exemplos do noso traballo.

A XENTE ACTIVA EN MOVEMENTO

2007-04-22T18:05:00.001+01:00

AXENTIVA está a desenvolver un obradoiro de Ximnasia-Relaxación.
Para participar tes que ser socio ou socia da nosa asociación.
Os martes e os venres de 17:00 a 19:00 horas no Centro Social de Campaña

8 DE MARZO

2007-04-17T17:32:00.000+01:00

O noso concello participou na celebración do 8 de marzo "Día Internacional da Muller".

Co gallo desta data, desenvolvéronse as seguintes actividades:

MESA REDONDA SOBRE : “A muller traballadora no concello de Valga”,
Charla sobre a Bella Otero no IES De Baño

Entrevista radiofónica, sobre:O TRABALLO E A FAMILIA NA VIDA DE NIEVES CAMPAÑA LÓPEZ

Colaboración co concello de Rois na: : “Exposición sobre”AS MULLERES NA HISTORIA”

Entrevista a Presidenta de “Mulleres Rurais”, sobre :A XESTIÓN DO TEMPO LIBRE NO MEDIO RURAL

Aula informática: Búsqueda en Internet de mulleres de relevancia histórica.

Bibliotecas: Ambientación da temática correspondente ó Día da Muller Traballadora.

Ximnasia de mantemento: charla-coloquio acerca da normalización das actividades de ocio e calidade de vida entre as mulleres de Valga nos últimos tempos: ximnasia, cursos, actividades de tempo libre, etc.

ASMIVALU: Tarefas con temática da muller traballadora: debuxo, presentación cara os compañeiros, elección da máis valorada.

PEQUEVAL: Debuxos, pequeno debate, conto, e outras actividades.